مش بيد عدونا . شعر . سميرأبوالحمد

( مش بيد عدونا ) شعر . سميرأبو الحمد [email protected] -------------------------------------------- كلنا بنحب مصر بس قولو عملنا إيه لجل مصرتلمنا وتضمنا ... تبدر فى أيامنا العجاف خيرها اللى عاش بيعمنا مصر اللى باكيه دى امنا مصر اللى ف التحرير بتصرخ وف كل حاره ف الوطن إيه اللى فرق شملنا إيه اللى شتت فكرنا إيه اللى ضيع حلمنا إيه اللى خلى العتمه تزحف ع الشوارع والحارات علشان تعطل شمسنا إيه اللى خلى الكون بحاله دلوقتى بيبصلنا يضحك علينا وع الخيابه وع الدمار اللى بيحكم أرضنا بإيدينا إحنا عايشين ف محنه مش بيد عدونا الثوره ياشعب الحضاره ثورة الحكمه . ومش ثورة حجارة تقصف ف لحظه أمننا الثوره مش ثورة ميدان واللى حاصل ف المكان بيقول خلاص ضاع الامان رمل مصر الغاليه هان وإدينا فرصه لأمريكان وصهاينه راصدين من زمان كل حركه فى أرض مصر ممكن تعلى ف البنا علشان ما يعبرم الحدود ليل غبى وغدار جبان يجى بقسوه يهدنا إدينا فرصه لليل لئيم وإحنا أهو مليون رئيس مليون زعيم ومفيش حكيم قادر يوحد شملنا علشان كده لازم قرار من غيرغضب ولاضرب نار من غيرخروجنا م البيوت وندفن شبابنا ف التابوت من غير نزيف . لابد م الحكمه الربيع اللى حتبيد الخريف وشعب مصر مهوش ضعيف اللى ساد كل الشعوب واللى لبس الإمن توب مستحيل راح يبقى عاجز تانى يعيد الشمس لجل تشرق من جديد وتانى يضحك عمرنا ----------------------------------------