قرب بُص على اللي وراك 
شوف العالم من قدام .!!!
أحمد أفندي قلع طربوشه .. جاله زُكام
أنفلونزا الإستعمار .!!
عنوان 
مانشيط عريض
في أول صفحات الجرنال ..
بالإسود
شايف الواقع 
دم ونار . وبيوت بتضيع .

وكأن الليل مابيطلعلوش 
فى الدنيا نهار 
ننّ كفيف بيحسس .!
بيحاول يخرج للأنوار
قرب بص 
وفرّق يعني بين الواقع والأخبار .!
شغّل مره مراوح عقلك
قلبك واقف وبيندهلك
بص وراك ولا أأقولك ؟!
بُص فى نفسك
شوف كدا جواك 
سِنّك كام ؟؟؟؟؟؟؟؟؟