أنا أسف يا ريس ... < عبدالله على حسن بركات رزق >
أنــا أســف يا ريـس
وحياة مامة فخامتك .. طيب وحياة سوزان
تسامحني عشان شتمتك .. وأنا واقف في الميدان
كان المفروض أجيبك .. وتشوف شعبك حبيبك
علشان تأخد نصيبك .. من حب ومن حنان
أنا أسف وبصراحة.. أصلى ماكنتش أصيل
يا معلمني الأباحه .. نفسي أرد الجميل
يا مظبط أهل بلدك .. أكتر من إسرائيل
هتقولى أيه اللي فيها .. هاقولك فيها فيل
أنا أسف أني سبتك تخلع من غير حساب
كان المفروض حسبتك زى ما قال الكتاب
ما بننساش الجمايل والشعب في قلبه شايل
وهنعمل فيك عمايل .. والبركه فالشباب
فيه أكتر من حريقه .. وفى كل بيت شهيد
فاكر أهل الدويقة .. فاكر قطر الصعيد
طب سرطان الخضار.. والعيشة الغالية نار
والمعبر والجدار.. ولا الفكر الجديد
أسف علشان سكتنا طول الوقت اللى فات
وأنت مسود حياتنا .. وبتسرق مليارات
دلوقتي الفرصة جاتني .. وهحسبك على فاتني
وهرد حقوق بلادي .. وأخد حقى اللي مات
أسف لجمال وعزمي .. ولصفوت ولسرور
كل إلى ماصو دمى .. ولسه في القصور
أسف علشان سايبكو .. وحياة بلدي لاجيبكو
وفى التحرير بانيلكو .. أحلى وأجمل .... ( أكمل مكان النقط )
تم الرفع والكتابة بواسطتي
مع تحيات صاحب أول ضربة جوية
Abdallah Ali Hassan Barakat Rizk
عبدالله على حسن بركات رزق
عبدالله على حسن بركات رزق
مصــــر - المنيـا
انتباه يا معلمين
زمن اللـــــ .. خلاص انتهى
