الصار بين واليصير
وباچر مجهول المصير
والعيشانه اعلى الحصير
الدنيا صارت غابة
*******************************
الطاح لإجلك ياوطن فدوه يروح
ضماد روحي لوردت تنخاني
عالفشكَ متربي ومخوضر صهيل
وين ماوين بس تصد تلكاني
انه يمنه وبچفي لاويت الصعاب
ياهو يكَدر فنه يتحداني
**********************
على طك المكاون كان ما كان
انه بكاروكي واسولف كان ماكان
منهو انته وتكن كان من كان
انه عراقي جبل مامر سهل بيه
************************
علمت السواتر مني تشبع موت
مو ياهو اليجي ويكول انه الهه
من كَبل يمكن اكثر من 9000
البشر جوعانة ومن خيري الموچلهه
روح وشوف بكل بقاع الكون
واسئل ياهو عندك وهلوادم اسئلهه
كلهم شنهي سومر واعربلي اشور
وشنهي بكماطه الطفل والتفكَه حاظنهه
انه مصنع زلم ومصدر التاريخ
وعراقي افتخر والهامه ماتزلهه
********************
حسين البغدادي
نشرت فى 14 سبتمبر 2014
بواسطة albgdadeiq
عدد زيارات الموقع
1,289