(كلمه)

إقرا الكلمه يمكن مره تحب حروفها.. 
أو تقراها تحلف إنك طُلت سماها...
يمكن تلقي حروف تطمن لما تشوفها..
أو تلقاها جايه وجايبه الفرح معاها.. 
أصل الكلمه ممكن تحمي الناس من خوفها...
ممكن تملي الكون ب نصايح تتمناها..
ممكن تسعد ناس بتعاني مُر ظروفها..
ممكن تِصلح بين إتنين ويدوقوا حلاها...
ممكن تملك قلب بكلمه..
يوهب ليك النبض وعينك يترجاها..
ممكن كلمه تزيل الغُمه.. 
ممكن تملي الدنيا بفرحه بنستناها..
إقرا الكلمه تشوف النور وتسيب الضلمه...
إقرا وركز علشان تفهم إيه معناها... 
ربك خلق الدنيا بكلمه...
كُن واهي كانت واحنا بقينا بنجري وراها..

بقلم...محمد عسل.