فى توب إنسان
****************
انا عايش على الأحزان زى السراب يختفى لو يوم يبان
بيتدارى مع التوهه ويبكى مرار على الحرمان
ولا عايش ولا ميت ولا شايف لقلبى مكان
أنا الأسوة أنا اللى زمانى ربانى على البركان
خطف منى سنين العُمر عزف أوتاره ع الغليان
ووسط متاهه الألوان صبح فجأه عديم اللون مع النسيان
وعشت كيان بيخدعنى فى قلب المُر ودعنى وبالمجان
قلوب الطيبة لية تتهان ولا خاين ولا ظالم ولا غاضب عليك يازمان
ووسط سحابه الدخان صبح حلمى أكون ميت فى توب إنسان
محمد سالم
