يا مرارك يابهيه...

يا مرارك يا بهيه...
من ولاد الزئبقيه....

ماششيه خطوينا بطيئه...
ولسه بنطفى الحريقه...

اللصوص طلعت بريئه...
والبريئه صبحت غريقه...

ولحد أمته يا بلدنا....
احنا هنخبى الحقيقه...

اللى شمتان روحه مسيئه...
واللى كاره سكه تكون مضيئه....

يا مرارك يابهيه....
العبايه مقطعه .....
جسم الصبيه....
وماشيه مكسوفه هنيه...
صرخه بتنادى قويه...
اسسترونى يا مصراويه...
غطوا بدنى بجلابيه....
ليه نسسيتوا الشهامه...
وهى مخلوقه ليه...
عار عليكم بنتكم عريانه...
فى دنيا الحراميه....
اسسستروا ياناس بهيه...
كل اخواتها فى ايدين صهيونيه...
واللى باقى ليكم بس....
والله بهيه...
وقت ششده تعرفوا
اد ايه صبر بهيه....
الشموخ والعزه هيه...
واللى باقى م الكرامه العربيه...
با مرارك يا بهيه...
السسسنيين بتعدى وانت برضوا...
هيه....هيه....
أحلى صبيه....يا بهيه....
بقلمى...كمال الدين محمود....الصبار ........