ياست الكل يامصرية
صباح الفل يا أصيلة
ياست الكل يامصريه
بترابك تكحلى عيون الزمن
منتيش عاديه ياعلم
يا شوكه فى عين كل حاسد
ياغصن زيتون ياوردة ناديه
يا عطر وريحان ياجميله
وعقلك جنان يانبيلة
ياست الكل يا خمريه
أوصف فيكى الجمال
واضرب لك ميت مثال
ياقلب اخضر عليل
وصابر على الحياة ياخميلة
ياغنوة حب متقاله
وست بيت وشغاله
اوصف فيك الحنان
وشدة الايمان
والضمير كمان
بكلام كتير ماتهتمى
والنية سليمة وبتسمى
تقومى الفجر وتصلى
تفوقى لصلاة وطهارة
وحب الله دى اشارة
لدخولك جنة الرضوان
باحساسك وبالقران
وبالصلاة على الحبيب
قلب كل الناس يطيب
بقلمى
ميرفت محمد ابراهيم
