يا سكتي انا
يا حزمة عذاب مترصرصة
لسة عايشة خطوتي
وحبيبتي دايما مخلصة
الصبح عندي بيتولد
بس الموت وقت المسا
والشمس عندي مروحة
وقت الضحي
يمكن عسي
تبيد الارض المدبحة
من تاني ارجع اتولد
مش جوا دولاب المشرحة
او جوا حوش المدرسة
ايوة صحيح فكرتني
بعلم اسمة الهندسة
هو الهرم راح اشتكا
اصله اتنسي
لما خفرع راح حكي
وقال عسي
كان خوفو ناظر مدرسة
ضحكنني
ضحكتني رغم الاسا
فوق جثة راقدة مهشمة
وباين عليك الهلوسة
وحبيبتي دايما مخلصة
محتاجة بس
ف ايديها تمسك مكنسة
