يعني إيه راجل وست؟

يعني هو يكون حنون وبلاش يقول كلمة زهقت....
يحس بيها بالعيون قبل ماتقول إني تعبت...
يعني هي تعشقه وتعرفه معني عشقت...
الرجولة تحتويها وتراضيها إن غِلطت...
وشئ يهينك إنك تكون ليها ظلمت...
وإنتي سيبك م النكد والنميمة وقالت وقولت...
مش بعلو الصوت تسيطر وتمتلك قلب بنت...

هو راجل،، إنتي ست...

قولي ليه إنت القمر ف ليل سمايا وليه ملكت ..
قولها إنتي حياتي ونبض قلبي مهما غبت...
إخلصيله، صوني بيتك، وإنت إياك تبقي خونت...
بص فعيونها بحنان قولها بحُب دوبت ...

ردي قولي إنت حبيبي وجوه قلبي إسمك كتبت..
قربيه من ربه ديماً وإسأليه، صليت وصومت؟ 
إنت لمعاني الرجولة خلاص فهمت؟ 
وانتي كوني بجد ست.

بقلم...محمد عسل