***= ثورة داخلية =***
لما يكون بيت أساسه مشطور ومنخـــور
يبقى فين ترابطنا
لما الاهل يختلفوا ويكشفوا مابينهم مستـور
يبقى فين خيريتنا
لما الاخوة يتشاكلوا وينهشوك كا النسـور
يبقى فين إخوتنا
لما الأسَاتذة مع الناظر يشربوا لف بخــور
يبقى فين تعليمنا
لما راجل الدين في مكان تكريس وفتــور
يبقى مين قدوتنا
لما الادباء دُعابتهم كلام مخبول وفجــور
يبقى فين ثقافتنا
لما رئيس شغلنا مص دمنا وخصم الأجـور
يبقى فين حريتنا
لما مدير العمل سرق الامل ظلم وجـــور
يبقى فين قوتنا
لما عمدة ومأمور ومحافظ حقهم مــهدور
يبقى فين سلطتنا
لما يتسرق الوزير والمدرية والامن مهبـور
يبقى لمين قيادتنا
لما المسن لسه بيحن لاعمال خسة وشرور
يبقى فين سلامتنا
لما عجوز عاشت دهر من غير صلى وطهور
يبقى فين بركتنا
لـمـا الحَلِفْ بالأديان والأيمان كـذب وزور
يبقى فين ديانتنا
لما العبادة تبقى عادة سمعة رياء وظهــور
يبقى فين تقوتنا
لما عيش وغاز وجاز بعد شهداء بالطابـور
يبقى فين ثورتنا
لما الثورة تستمر سنين بعد ايام وشهــور
يبقى فين نهضتنا
لما تتمسك بربك هيهون عليك كل الامـور
يبقى نبينا إسوتنا
