ماراثون السيسى  تثير تعليقات تويتر.. ناشط: المنظر بتاع أوروبا بقى عندنا.. وآخر: بدأت أخاف عليه من الحسد

طباعة
كتب : محمد الصبروتالجمعة 13.06.2014 - 04:21 م- ناشط: بدأت أخاف على السيسي من الحسد
- آخر: يزداد فخري بك كل يوم
-وناشط: الدولة لديها ما هو أهم من ركوب العجلة

أثارت المبادرة التى قام بها الرئيس عبد الفتاح السيسي لقيادة ماراثون رياضى بالدراجات ردود أفعال بين مستخدمى مواقع التواصل الاجتماعى ما بين عدم تصديق أن ذلك يحدث فى مصر وأمنيات بأن يستمر نشاط الرئيس فى كل الأمور المختلفة للنهوض بالبلاد وهجوم على ما قام به مبررين أن الدولة لديها ما هو أهم من ركوب العجلة.

وجاءت التعليقات متباينة، حيث علق شامل أسامة: "لو اللي نزل بالعجلة ده كان رئيس لأي دولة تانية غير مصر؛ كنت هتلقي النشطاء بتقول أشعار فيه وتقول امتي مصر تبقي كده ولما يحصل عندنا يتريقوا" وأضاف موسى ماجد :" السيسي رجل محترم وربنا يقويه والشعب المصرى علشان يتصلح حاله ﻻزم يتصالح مع نفسه ومع ضميره ومع ربنا ويحترم نفسه اوﻻً".

وفى نفس السياق غرد هشام حاتم :" موضوع السيسي والعجل بالرغم من بساطته لكن بيظهر ردود أفعالنا بوضوح، اللي منفسن واللي متشائم واللي متفائل واللي مش فارقة معاه واللي واللي..." وأكد "@DEROO_MS" :طبعا بتوع نشطاءالسبوبة هيألشوا على مبادرة السيسي بتاعة ركوب العجل .. هي كويسة بس محتاجة شغل قبل منها زي تظبيط الطرق وتحسين المواصلات".

فيما قالت نوران قاميش:" لا بس حقيقي حركة حلوة ..شابوه" وأضاف شبانة 2010:" سيدي الرئيس يزداد فخري بك كل يوم. واحمد الله أني انتخبتك رئيسا.. عن المشير عبد الفتاح السيسي أتحدث".

وأعرب هانى الليثى عن سعادته فقال:" أجمل حاجة في السيسي إنه بيبتدي بنفسه !! نزل من بيته ركب العجلة و بعد كدا قال اركبوا عجل." وقالت "رونا 565":"في ناس هتزعل من أي حاجة كويسة تحصل ف البلد .. أكل عيشهم كان مرتبط بفشل الدولة.. عموماً الأيام هتفرجنا علي حاجات كتير الفترة الجاية".

ومن جانبه قال "معتز":"بدأت أخاف على #السيسي من الحسد. وبرضه بدأت أخاف على مستوى "الضغط والسكر" عن اللي مش بيحبوه...وأضاف سامح:" المنظر دا مش هتشوفوا إلا فى أوروبا ..مصربتتقدم السيسي.

ومن ناحية أخرى هاجم البعض الأخر حيث قالت دينا وليد:"حلو اللي السيسي بيعمله ده ينزل مع الناس يسوق عجلة وبتاع،ديه حاجة حلوة،بس انا مش قادرة اصدقه ولا أقتنع بيه،ناس بتسوق عجل وناس بتتسجن وتموت !" وقال أحمد المقدامى:" كده مشروع #مصر القومي القادم بقيادة #السيسي ... تأجير عجل فى شرم الشيخ زي اللمبي .. وماتفهمونيش صح انا قصدي عجلة الانتاج".

وأضاف محمد ماهر:" بتوع السيسي محسسني ان هو صاحب اختراع العجلة بلاش افورة والنبي" ، وأوضح إسلام نجم أن السيسى "مش سهل" على حد قوله مشيرا إلى التالى:" السيسي بيضرب ومعاه ناس علماء نفس واجتماع علي اعلي مستوي منه يلهينا في حوار ونهري فيه ومنه يشجع الشباب علي الرياضه ومنه يشجع السياحه ويقول رساله ان البلد امان رئيس الجمهورية بيشارك في ماراثون طوله30 كيلو والدنيا امان".

وطالب مروان القالموش السيسى بركوب المترو فقال:" أنا عايز السيسي يركب أتوبيس .. أو مترو شبرا – المنيب"، وعلق أحمد المنيب:" يعنى هما الـ 16 جنيه اللى هوفرهم دول مصر محتاجهم والملايين راحت فين".

ومن جانبه قال محمود 2014:" شركة رياضية تعلن التعاقد مع السيسى لمدة أربع سنوات للترويج لملابسها الرياضية" وغرد وائل محمد:" ياريت يقولنا بقى هو كلف الدوله كام انهارده باجراءات تأمينه وحمايته طول مسافة المارثون".

من الجدير بالذكر أن السباق بدأ من أمام الكلية الحربية إلى الطريق الدائري، والعودة مرة أخرى للكلية الحربية، وشارك فيه الرئيس إلى جانب عدد كبير من رجال الدولة والإعلاميين والفنانين وطلبة الجامعات والكليات العسكرية والشرطة.