كتبت د منى بكر

«كيف تصحبى زوجك:-

اختيارك لزوجك واختياره لكى اول خطوه للرضى بعضكم لبعض" اذا عليكى باتباع تلك الخطوات 

١- اتركيه يتنفس _ بمعنى من حقه يخرج مع اصحابه لبعض الوقت، ومن حقك تخرجى مع صديقاتك، او تزورى اهلك لوحدك، اى كل منكما ياخد اجازه صغيره مع اصحابه، ثم نعدوا. من هنا نجد حوار متجدد لانتعاش الحياه. 

٢-شاركيه هواياته _ نقصد بها اذا كان يحب الكوره فاثناء الماتش لاتزعجيه كثيرا بالاسأله،انتظرى فى الاستراحه واسالى ماذا يقصد الحكم،او اى سؤال غيره،اخلقى الجو المناسب كى يستمتع بهواياته كمثال حضرى فشار، او شاى وكيكه، اجعليه مستمتع بدل النزول مع اصدقائه.

٣-السوق _ لابد من المشاركه اثناء شراء التزمات المنزل بمعنى احتياجات البيت من اكل وحضروات الافضل مشاركه الراى فيها،وخدى بالك انك هترتاحى من اهم جمله يوميه متعبه لكى هناكل ايه النهارده،بعد اخياركم لطلبات الاسبوع كده تم تحديد نوع الوجبات والاصناف باختياره معاكى.

٤- مراعاة الوقت_ المقصد هو اختارى وقت الحديث، مش راجع مرهق من الشغل او مشوار واول ما يرجع نبدا بالطلبات

،وخاصة اختيار الوقت المناسب للطلبات الماديه،يعنى مش يبقى مفيش معه وتطلبى عاوزين كذا وكذا.

                                     ♕

٥_ الابتسامه _ فالابتسامه اوصنا بها رسول الله صلى الله عليه وسلم، تستقبليه بابتسامه وتودعيه بالابتسامه،ليس فقط اجعلى من حوارك معه  مصاحبه الابتسامه.

                                      ♕

٦_ انتى الصديق _  يعنى ديما يختار الرجل صديق يحكى له عن متاعبه سوا فى العمل، او ما يقابله فى حياة اليوميه، فكونى انتى هذا الصديق،لا تحجرى على حواره دعيه يتحدث، واذا اخطء لا تانبيه بالعكس كونى له بلسم الحياه 

مثال فداك، معلش بكره هيكون افضل،.... التسكين بحلو الكلام هيشجعه على التحدث اليكى وتكونى له خير صديق.

                                تمنياتى باسره سعيده

                                         لمجتمع اسعد