قصة للاديبة والشاعرة 
ناهد فاروق شاروبيم
(( أحباب فوق السحاب ))

***  الحلقة الأولى***

***************

ليلة العيد🎉والكل سعيد🥰 واللبس جديد👚👗وفريدة وفيروز خلصوا شغل البيت مع مامتهم..

عالمغرب باباهم ناداهم ونادى على فارس أخوهم علشان يديلهم العيدية 💵

فريدة وفيروز وفارس شكروا باباهم واستأذنوه علشان يخرجوا مع اولاد عمهم.

شوية وجرس الباب رن.. ماما فتحت

ودخلوا أولاد عمهم كارما وكريم وعيدوا على عمهم واخدوا العيدية كالعادة🤗

وكلهم هنوا بعض بالعيد وخرجوا بالعربية..وفضلوا يلفوا فالشوارع وهما بيسمعوا الأغانى وبيسقفوا👏👏

وكانو مبسوطين بروح الفرح اللى مالية الشوارع..💃🎈🎊

الكل متجمعين.. والبلالين فكل مكان.. وأصوات الأغانى مالية الشوارع.. والناس كلهم فرحانين وبيهنوا بعض..

فجأة وهما بيلفوا بالعربية فريدة طلبت من كريم يقف.. وفعلا وقف ونزلت فريدة وجريت ناحية راجل غلبان وفتحت شنطتها وادتله فلوس 💵 فرح بيها وفضل يدعيلها..

فيروز اختها قالتلها مش اتفقنا هنجيب بالعيدية الفستانين اللى عجبونا فالمول؟

فريدة بصت ل فيروز وابتسمت وقالتلها:الفساتين موجودين فكل وقت لكن المساكين دول حرام يباتوا جعانين.

كارما ضحكت وقالتلها:آه منك ومن قلبك الطيب دةةةة🥰

فارس قالهم:عايزين نرتب هنعمل ايه بكرا وهنقضى العيد فيييين🤔

فيروز اقترحت يروحوا القناطر.. 

وعجبتهم الفكرة.. واتصلوا بأهلهم ووافقوا يروحوا كلهم الصبح ☀

تليفون كريم رن (رقم غريب)

اول ما رد عليه ضحك بصوت عالى وقاله مفتقدينك الليلة اووووى... 

فريدة وشهاااا إحمررررر وانتبهت لما سمعت اسمه🥰(طارق)ابن عمها🥰

وبعد ما كلم كريم وكارما وفارس وفيروز.. كلمته وهى فرحاااانة ومرتبكة☺️

 ابن عمها طارق اللى بيشتغل طيار.. كلمهم من النمسا وقالهم انه كان نفسه يكون معاهم.. وبعد ما خلصوا المكالمة رجعوا يسقفوا ويغنوا من تانى.. لكن فريدة كانت فى عالم تااااانى🥰

كريم كان سايق بسرررعة وفجأة تليفونه رن.. مسك التليفون وكان لسة هيرد.. لكن فى عربية كانت جاية ف وشه بسرعة وحاول يبعد عنها ويتفاداها.....و.. 

ياترى حصل ايه 🤷‍♀️

دة اللى هتعرفوه في الحلقة القادمة