انا مش هبقى على الهامش

شعر الاعلامية / زينب تمراز

انا مش هبقى على الهامش

ولا صوره على الجدران

ولا فى الركن اكون كامش

واعيش عايش ومش عايش

واشوف نفسى خيال انسان

ولا هدور على ماضى عدى

وكان ولا على ناس راحت

باوجاعنا باحت ولدموعنا استباحت

انا راح اعدى على الاوجاع

وادوس على اللى من دمنا باع

ولو خيالى حن لهم فى يوم وانصاع

راح امحيه واقول ده منى ضاع

راح اتحدى الالم والخوف

ولا على الزكرى اعيش مكفوف

احضن خيال الضل واشوف

علامات الضرب على المكشوف