عاشقك انا لـ: جلوريا النجار

حبك يا أوطاني ......بيملا كل كياني
ينور فرحتى فى عنيا.....ويرسل الشعر بصدري كما الميَا
حقي عليكي.....ولا هوه حقك انتي عليا
###############################
أموتلك شهيد......بقلبي سعيد
عشان يتولدلك.....نهار جديد
أعطيكي يا بلادي دمايا.....تعطيني حريه
###############################
عايزك تشيلي الذل من جوفي
وتصرخي بالحق مايهمكيش خوفي
وتطردي الفسدان...خارج على ضلوعك
وتمسحي دموعى...وطلعى شموعك....تضوي حواليا
###############################
أنا اللي في حبك بموت
وبقول بأعلى صوت
عاشقك أنا يا بلادي....وبروحي وفؤادي
أسقيكي بعد الطغاه حنيه
###############################
بس انتي اسمعيني .....ولحضنك رجعيني
بلاش في توهة العصيان ترمينى
وكوني العاليه فى حقوقك...وفي حقوقي كوني أبيَه
###############################
عاشقك أنا يا بلادى...وبعمرى أفديكي
يا محفورة فوق الجبين...راح أثور وأعديكي
على بر الأمان...وأشيللك فى نين العين
وما عدتش أسيبك تبقيلهم الوسيه
###############################
راح أصلي أنا إمامك
وهعيش على ترابك
أرفع جبينك فوق...لو كل لحظه هموت
ترتوي من عرقي...وتعيشي لي قويه
###############################
وهغني للثوار....للحق ....للعلم
وهعيش أحلم ببكره....مايستعجلوش الحلم
وهزرع في شبابك قلبي
وأيام صباكي بدمي مرويه
###############################
حتى لو بالجمر حدفوني...وفي السجون ورموني
هعاند كل سور... وأعديلك بحور
وأجيلك وأغسلك...ومن نجاستهم أطهرك
ياللى انتي عناديه
###############################
عاشقك أنا يا بلادي
بالعافيه بالذوق
وهقول بحبك أنا...لو حتى الصوت مخنوق
مصري حتى الثماله...وشهامتي مصريه
أعطيكي يا بلادي دمايا....تعطيني حريه