حقك علّيا لــ:محمد طه شراقه

نزلى سبتك أوام
افردى حبلك عليا
أنفضى عنى الغمام
واصرخى جواكى فيا

كلفتينى جوا حضنك
وانسى يوم كلمة خصام
إخبزينى جوا فرنك 
حسى فيا ب الغرام

كتفينى جوا طوقك 
وإملى جوفك بالكلام
نتورى فيا نشوقك
وابتدى برمى السلام

شكّلينى بين ضلوعك
زى ماتحبى تشوفينى
غصن طارح بين فروعك
جوا فرحى هَتعِشينى

علمينى ازاى اشدك
وما أجيش اقولك سلام
استخبى الليل ف شعرك
و ف حزنى ابنيلك مقام

إحدفى فيا انفجارك
رجرجى بيه المكان
أزرعى فيا انتصارك
أحصده ف كل الغيطان

واقف فاردلك دراعى
جوا حضنى اسكُنينى
شادد فى بحرك شراعى
تغسليلى هموم سنينى

جايلك وخدلك بتارى
من اللى دمرلك ملامحك
هتلاقينى فيكى صارى
شادد قوسى ف رمحك

يا أم التراب الدهب
مضحى روحى فداه
حقك عليا وجب
هعيش واموت جواه