الناس الى شايفة ان الانتخابات هى الديموقراطيه وهاتجيب الحياه السياسية السليمه بغض النظر عن صحه الانتخابات ..
عايز اقولهم ان الانتخابات دى عامله زى براد الشاى مثلا الى هاتعمل منه شاى .. لو طلع الشاى فاسد ولا صحى ولا طعمه حلو مش مشكله البراد دى مشكله المكونات .. يعنى المنتخبين والناخبين
يعنى بطريقة تانيه لو المنتخبين كانوا من نفس النسيج السابق 100 ميه البرلمان الناتج هو كوبى وبيست من اللى قبله .. وعلى فكرة مش بقصد نهائى نفس الوشوش انا بقصد نسيج الفكر .. الناس الى لحم دماغها كان من الوطنى
يعنى بغض النظر البراد ده كان كبير ولا صغير استانلس ولا المونيوم ولا كان حتى قزاز
او بالكهربا .. هو فى الاخر وسيله لانتاج الشاى
الانتخابات وسيله لانتاج برلمان ..
ممكن الوسيله تكون مكسورة مثقوبه مصديه ده وارد
وممكن الوسيله تكون مزورة او مشكوك فيها وده وارد برضه
انما الاصل ان لو حتى الوسيله دى سليمه تماما فى الحالتين
ده برضه مش هايضمن لنا شاى كويس او برلمان كويس
لازم الشاى والسكر والميه يبقى كويسين
ولازم اعضاء البرلمان يبقوا مش فاسدين ولا من الثورة المضاده ولا من الفلول ولا من معتادى الانتخابات وبس
وعلشان طعم الشاى يتظبط لازم الشاى والميه والسكر يبقى بمقدار
وعلشان فاعليه البرلمان تتظبط لازم يكون افراده من كل التيارات الى تجعله ممثل حقيقى للشعب
خلاصه الامر :
الانتخابات اليه لتطبيق الديموقراطيه وليست هى الديموقراطيه فى حد ذاتها .. لو لم يتم العزل السياسى للفاسدين والفلول .. اذن سنصنع برلمان فاسد مرة اخرى حتى لو الانتخابات سليمه
مش عارف ان كنت قدرت اوضح الفكرة ولا لا ..؟
مش كده ولا ايه؟؟؟؟
