حاله تلبس
وجاهزه القضيه
عاشق بيحصن
فى ضل الصبيه
بيحلم و يحلم
تكون ملكه هيه
يس اللى عاشق
ضحكه بهيه
حاله تلبس
دليل فى القضيه
مجنون هواها
بيرسم و يغزل
ليلاتى فى عباها
زارع امامى
يفصل بجرحه
حبه اغانى
و يحلم بنسمه
و كام عود بخور
و يحلم بقبره
يكون كله نور
و يحلم يوماتى
بحكم البراءه
لأن القضيه
تلفيق و زور
محامى الدفاع
شاف القضيه
محل النزاع
و قال فى المرافعه
يحيا الجياع
ليه كل عاشق
حب الضياع
وكيل النيابه
طالب بأقصى
عقوبه ديابه
و قال انه قاتل
خيال المأته
معاه كام دليل
ثابت ادانه
و قال انه عاشق
فى دمه الخيانه
و بعد المداوله
طلع القضاه
و قالو ان حكمه
فى شرع الاله
يفضل فى حلمه
و يغزل مناه
و ان القضيه
فى حكم اشتباه
و ازاى هنحكم
قلب فى هواه
تحفظ و يطلق
سراح الجناه
