اسف لانك 
ملكش امان 
خدعت اللى كانو 
معاك من زمان
اسف عشان اللى ماتو 
فى سفاجا
لا همك اسرهم 
ولا قلت حاجه 
بيهرب قاتلهم 
وياخد براحو
وهما اللى ماتو فى غربه 
وراحو 
بكام بعت فيهم 
ولا كنت شارى 
وقابض تمنهم 
مقابل تدارى
دا ياما البيوت اللى ماتو 
ولادهم 
فى عهدك 
ياريس 
ياسارق مددهم
واسف عشان اللى راحو 
ضحيه 
فى سجنك 
بحجة 
ماقال ارهابيه 
وبعد اللى شافو عذابك 
وزلك
تقول لأ براءه 
ومن غير قضيه 
واسف واسف 
واسف عشان 
عيالك وست الهوانم 
سوزان 
دا حتى الثقافه 
باعتها كمان 
ياريس عصابه 
ياريس غيلان 
فأسف لانى 
بخاف من زمان 
عشان ظلمك انت 
انا مش جبان
ياريس عدالتك 
لكل اللى زيك 
ولو حد صدك 
بيصبح فى كان ...