باى باى يا نظام يا فاسد
ياللى طحنت الشعب
30سنه فـ زنازينك
من شعر راس للكعب
فساد إدارى وخيانه
وبيع فى أراضينا
لما الفقير اتطحن
من تأشيرات السلب
يامصر يا وطنا
يامصر يا وطنا
ياللى باعوك للغير
واللى ماطالش الكعكه
نتف فى ريش الطير
بترولنا فى إسرائيل
والكهربا فـ عمَان
هى وسيه ولا
عايشين هنا طراطــير
يامصر ياوطنا
يامصر ياوطنا
حمدالله ع السلامه
سافرتى مع السادات
واشتقنا ليكى ياما
وساطه ومحسوبيه
علشان ناخد حقوقنا
العيب كن فيكى ولا
احنا علينا الملامه
يامصر ياوطنا
يامصر يــا وطنا
ياللى اتنهبتى كتير
مين فينا كان بيحلم
انه يكون تغيير
أثارك قسموها
ما بين (عز) و(جمال)
دلوقتى الفرصه حانت
إن المركب تسير
يامصر ياوطنا
يامصر ياوطنا
ياقلعةالثوار
25يناير
وشبابك الأحرار
هتفوا ضد النظام
علشان يحرروكـى
بمطالب الشباب
الظلم خاف وطار
يامصر ياوطنا
يامصر ياوطنا
يا مناره للسلام
ثوارك دول ولادك
الأبطال الكرام
رفعوا راسنا وصوتنا
لما هتفوا وقالوا
الشعب – يريد - إسقاط - النظام
الله - أراد - فسقط – النظام
انتهت
