بسم الله الرحمن الرحيم
من عادات دورت الحياة الميلاد - الزواج – الوفاة ومن عادات الزواج منها شبكة العروس الـشـــبكة
الشبكة/هى هدية من العريس لعروسه الاصح فى رأيي الا يكون لها معيار معين سوى قدرة العريس المادية فهى تبدأ من الدبلتين الى مالا نهاية كلا على قدر استطاعته و لكن ما يحزنى اننى ارى بعض الشباب يقترض لشراء شبكة من الالماظ رغم انه من مستوى متوسط يعنى الذهب يعتبر كنز لهم ومع ذلك يصرون على الالماظ ولقد مجد المصريون القدماء الذهب واليوم مع الارتفاع الكبير في سعره أصبح شراء الشبكة أوالهدية الذهبية التي تقدم للعروس وهى عادة من عادات الزواج وتكون عبئا على راغبي الزواج وفي ظل ارتفاع نسبة البطالة وزيادة معدل التضخم يلجأ كثيرمن الفقراء المقبلين على الزواج لاستئجار الخواتم والأساورالذهبية في حفلات العرس ولا يمكن أن يتوقف الناس عن الزواج لذا فإن استئجار الحلي الذهبية أفضل حل لمحفظتك كرامتك وكرامة عروسك وفي مصر يشتري العريس الشبكة وتضم دائما خاتما ذهبيا، وتقدم لعروس المستقبل وسط زغاريد الأهل والأصحاب، ويعتمد ثمن الشبكة على الحالة المالية للأسرة، لشراء الذهب ولكن كثيرين من محدودي الدخل في مصر يقولون إن الزواج قد يصبح شبه مستحيل إذا عجز الرجال عن استئجار شبكة في ليلة الزفاف وفي متجر للحلي الذهبية يزدحم براغبي الزواج في شارع الصاغة وهي منطقة في القاهرة تستأجرالشبكة لمن يريد وفي هذه الحالة أعتقد أن المرأة الذكية ستفضل السعادة على عادة قديمة أو عاطفة مادية" لذلك نزلت الميدان وكان سؤالى واحد لبعض الاشخاص ماذا تعرف عن شبكة العروسة
اخبارى (1) معلوماتي أن شبكة العروس تقريبا بتبقى من 100 جرام دهب الى 200 جرام أو ما يساويهم حسب مقدرة كل أسرة أو هكذا جرى العرف في المحيطين بي ولقد رزقني الله بنعم الزوجة والتي لو كنت جبت خاتم صفيح لقبلته بمنتهى الرضا وحماتي والله مثلها وأكثرولكن كانت المشكلة في الأعمام والذين أصروا أن تكون الشبكة محترمة لقد كنت خطوبتي في 1998 وكن جرام الذهب الأيطالي ب 33أو34جنيه بمصنعيته وقدمت لخطيبتي شبكة طقم ذهب +خاتم ألماظ وكان أن أثر هذا على ميزانيتي بشكل رهيب كنت لسة متخرج وأعمل Part time وداخل الجيش بعد شهريعني حالتي لا تسر عدو ولا حبيب وهنا كما ذكر تأتي أهمية حسن اختيار الزوجة بتوفيق من الله سبحانه وتعالى لقد كانت دفعتي وبدأت العمل بالطبع قبلي ودفعت كل ما كانت تأخذه من عملها ومازالت الى الآن وبدون علم أهلها في كل شيء من الجهاز الى حتى السيارة التي اشتريناها بعد الزواج فرأيي هنا أنه فعلا كما قال رسول الله خير متاع الدنيا المرأة الصالح
اخبارية (2)ياااااااااة قلبت علينا المواجع لاقصدى رجعت لنا أيام الماضى الجميل أنا عن نفسى شبكتى كانت حاجة قيمة جدا واللى بنقول عليها تتوارثها الاجيال...ومش عايزة أفسر بقى لكن زوجى العزيز هو اللى جابها لوحده بدون اى ضغوط والله ...اى نعم الست والدته كانت عايزة تولع فية بس دلوقت بقى الشبكة طبعا بتتحدد حسب مستوى العروسة ثم العريس وبرضهة الناس الشيك واقصد بكلمة شيك هنا شياكة الاسلوب والمعاملة بيجيبوا هدية للعروسة فى قراءة الفاتحة وربط الكلام...وبتكون دهب برضه بس حاجة بسيطة يعنى انسيال خاتم حاجة كده وبتقوم ام العريس تلبسها لها وبيتفقوا على ثمن الشبكة فى حدود كذا والمهر فى حدود كذااو حندفع شبكة ومهر باكذا على بعض وده حسب سعر السوق والمستوى الاجتماعى ودرجة التفاهم والتقارب بين العروسين أقل شبكة دلوقت واللى ممكن نقول ثلاث غوايش ودبلة وخاتم مش حتكون اقل من اربع او خمس الاف جنيه وانت طالع بقى الى ماشاء الله ومعروف جرام الدهب اللى ممكن يتلبس بيوصل فوق 170جنيه بالمصنعية والدمغة والضريبة لكن فى النهاية يفضل ان العريس والعروسة ينزلوا ينقوا الشبكة لوحدهم على اساس انها هديته
اخبارى (3) واللة الشباب في مصر مقسوم لعدة أصناف منها و مش كلها: 1/صنف مش لاقي يجيب حتى دبلتين مش شبكةوده نتقسم إلي أصناف ومنهم صنف ياأما بيختار بنت حلال كده و يتفقوا انهم يحوشوا و يجيبوا دبلتين وفكك من الشبكة دلوقتي وبعد كده ربنا يسهلهاأويأجل جوازه لحد لما يحوش عشان الشبكة ده طبعا بعد لما يكون طلع عينه وعين الجابوه عشان يلم فلوسها ده غير طبعا تكاليف الزواج الاخري اللمش هنكلم عنها. أو صنف يستلف من طوب الأرض عشان يلم تمن نص دبلة 2/ صنف معاه مبلغ يدوبك على الأد يجيب بيه أي حاجة و السلام ده لو كانت عروسته ربنا هاديها هى و أهلها ومتفقين إن لما ربنا يكرمة نبقى نجيب بعدين. 3/ وصنف من الشباب الذين هم من أسر ميسورة وبوظائف جيدةولكن بالطبع لن يقدرواعلى أن يدفعوا ثمن الشبكة بأنفسهم لأنهم ارتبطوا ببنت من أسرة ميسورة أيضا ومن نفس المستوى وبالطبع يجب أن تكون الشبكة قد المقام مقام الجانبين أكيد وبالتالي والده بيتكفل بكل شيء من شبكة وتجهيز وبصراحة أنا واحد منهم مش عشان قلت ماهو أبويا يقى ربنا يطولنا في عمره موجود يعملي كل حاجه لأ و لأ بس عشان أنا فعلا كنت لسة متخرج و مهما كنت في وظيفة محترمة مرتب جيد أكيد مش هعرف أوفر ولا أقل من ربع ثمن الشبكه المختارة من الجانبين مع إن اللي كنت أسمعه إن الشبكه دي هدية من العريس يعني محدش يدخل فيهاعني أجيب شبكة بألف أتنين عشرين خمسين ستين مية ألف أنا حر.بس طلع كله كلام فشينك. وهتجيب يعني هتجيب.مش أنتوا من أسرة كبيرة أخترت بنت من أسرة كبيرة برضوا يعني لا مفر المهم الرضا وحسن الاختيار والسعادة التى اتمناها من الله للجميع وبالتوفيق 0
