صباح الخير عليكم جميعا ..
اتفقنا قبل كده انه مهم جدا تنظيف المسقاه ..
خصوصا بعد وضع الفيتامينات او الخميرة او اى علاج فيها
والعمليه الموضحه بالصورة تتم مرة اسبوعيا على الاقل
عن نفسى افضل ان يكون جسم المسقاه معالج ضد الضوء لو مكان التربيه مفتوح  زى بلكون او سطح او حديقه وخلافه
بس لا مانع من استخدام ذات الجسم الشفاف لو بتربى فى مكان مغلق ..لمتابعه معدل الماء داخلها كلما امكن ذلك
وافضل ان يكون الجزء الاسفل (كعب المسقاه) ذو لون فاتح
يعنى ابيض او اصفر وباقى الالوان الفاتحه.. ونبعد عن الموف مثلا والكحلى والاخضر الغامق .. وده علشان تتابع تراكم الفضلات وبواقى الطعام والبكتريا فيها ..

ويفضل ان يكون الغسيلوالنظافه  بماء بارد .. لان فيه بعض الهواه بتقوم بغسل او نقع المساقى فى ماء مغلى وده للاسف له مشاكل
- بيفقد المسقاه الطبقة الناعمة من الداخل وبيكون سطحها الداخلى اكثر عرضه لتكوين الفطريات والبكتريا

- بعض البكتريا لا تتأثر بالماء المغلى بالعكس مقاومتها بتزيد بتحمل درجه الحرارة وبعده بتكون اخطر واكثر شراسه

- بيقلل عمر المسقاة لو مصنوعه من مواد لا تطابق المواصفات القياسيه

طب نعمل ايه ؟
اغسل المسقاه بماء وصابون عادى بواسطه فرشاة اسنان قديمه .. وفرشاه مخصصه لتنظيف ببرونه الاطفال
زى الصور كده ..
اغسل المكونات بماء بارد عادى .. وبعدين

نقوم بوضع المساقى باناء او طبق فيه بعض قطرات من اى مطهر زى اليود البيطرى او الديتول الطبى او البيتادين البشرى لمده ١٠ الى ١٥ دقيقه ..

اغسل مرة تانيه بماء بارد .. وبكده معاك مسقاه نظيفه ومعقمة وصحيه ..
ولا ننسى ان الوقايه خير من العلاج ..
جزاكم الله خيرا عن طيوركم ..😊