موضوعي قصيده باللهجه الصعيدية المصرية من أم صعيدية لإبنها المتعلم . الصحفي البارز . بتقوله:

بسم الله

ولدي الغالي...
كيف أحوالك
عيزاك تعرف إني يا ولدي كتير دعيالك
و عايزه أجولك حاجه مهمه وتاخد بالك
جاني أبوك في الحلم يا ولدي من كام يوم
وشه الأبيض كان متغير
جلتله مالك جال مهموم
المرحوم جدك زعجله
علشان ماعرفش يربيك
وإن الناس معاه يا ولدي
عايعيروه في المجبره بيك
ساكت ليه؟!!!!
ليه ياولدي رضيت بالصمت؟
ليه مانطجتش كلمة حج؟
لما رسموا و شتموا و هانوا
سيد الخلج
و صورته إترسمت و إتنشرت
بالباطل و إنت في جلدك مت
خفت يا ولدي؟!!!!
إوعاك تاجي تجولي "أنا خفت"
خايف من إيه يا خيبان
اوعي تكون في يوم جبان
أوعي تخلي أبوك في نومته
يكون خجلان
ولا تخلي الناس يجولوا
أصله عميل للأمريكان
تقدر ترسم إنت كمان حيوان
وترسم عجل وصورة شيطان
أو ترسم كلب
وما تبطل فرك
إلا اما تقول دا مواطن م الدنمارك
إيه؟ عيجولوا عليك إرهابي؟!!!
وإنك لأسامه بن لادن تبقي صحابي؟
وأما تروح في يوم حداهم
تخاف يجولوا عليك م الأزهر؟
وإنك مسلم صاحب فكر؟
وإنك ورا أحداث سبتمبر؟
طب ما يجولوا ... هيه هاتفرج؟!!!
بس نطفي النار الجايده
اللي عاتكوي الجلب و تحرق
ولاك خايف إن يجولوا عليك الهتلر
وإن إنت حرجت يهود ألمانيا و كنت مدبر
وإنك من إيران
و أبوك صدام و أخوك برزان
وصاحبك طه ياسين رمضان
ولاك خايف ينشروا صورك
ويجولوا إنك من طالبان
وما تلجا حد يدافع عنك
و تبجي طريد في كل مكان
ولك خفت يجولوا عنك
حكاية ترج الدنيا رج
إنك كنت يا ولدي معاهم
يوم ما خربوا و هدوا البرج
ولك خفت يا واد م الأزهر
الأزهر مات وما عاد بيحس
و مشايخه سكتت و ما عاد لها حس
زعلانه يا ولدي و مخصماك
بس انا جلبي لسه ما شالك من شرايينه
ودعيت عليك
يووووووووه عادعيلك.
إنك تصحي جبل الموت
و تنصر دينك
وترد علي شتموا رسولك
يلا يا ولدي حرك جلمك
وإنطج حتي جول لو أه
إرضي ربك ... إرضي نفسك
إرضي ياولدي رسول الله
إمحي يا ولدي العار عن أمك
جول ماتخافش وإرضي نبيك
وجاطع منتجهم م الصبح
لأجل ما يشفي فينا الجرح
ولا تكون أدمنت الجبنه
يخرب عقلك . تبجي مصيبه
و دي بيجولوا عليها دنماركي
و بنستوردها كتير ودي خيبه
ولدي يارب تسامحه وساعده
يرد كيد كلاب الأرض
ويرد علي جرانينهم برضه
و ماتشمت فيه بلير ولا بوش
ولا دنماركي يوم العرض
--------------------------------------------------------------------------

منــــــــــــــــقول