كنت بحبك
وكان لحبك فى قلبى طبول
فى عز السكات كان قلبى يقول
وحبى عدى البحور
ولسه
.
.
..
لسه فاكرك
لسه فاكر كل همسه
فاكر لما حطيتى ايدك على صدرى
وابتسمتى
فاكر لما شوفتينى عملتى مشش واخده بالك
واترسمتى

ايوه فاكر كل همسه

وكل لمسه


.
.فاكر
وقفتى فى شباك التذاكر
عشان نخش سينما خمسه
مش بقولك فاكر كل همسه

.
.
يااااااااااااااااااه يا رحلة الحب الجميل
يا ورده ارتوت من جوه نيل
يا نسمة البحر العليل
..
.

بقولك بحبك
وان حبك
سايب فى قلبى علامات
وحبك فى قلبى لما علا مات
بس انا برضه لسه سايبلك حاجات

.
.

سايبلك ضحكه وكام بسمه
سايبك بوسه وكام لمسه

.
.

سايبلك غنوه تغنيها
ويكفيكى انى البطل فيها
سايبلك شمعه تنور ليلك
ومفيش هوا هيقدر يطفيها

.
.
سيبتيلى انتى ايه غير دمع واهات
وشوية ذكريات

طب  ليه

ليه  مش قادر انسى اللى فات

يمكن عشان وعدت نفسى 

احبك  وانا عايش 

ولحد الممات