..................................
متستعبطيش
ما انتى اللى عارفه مين اللى هانك
ومين جوه ارضك
وخيره فى عرضك
وشافك فى حربك
راح سلم وخانك..
متستعبطيش
ما انتى اللى شايفه مين مات عشانك
وبيبنى ف بيوتك
ولملم فى قوتك
ولما اتفضحتى ووقت سكوتك
اتكلم وصانك....
متستعبطيش
شوفتى اللى قالو احنا امانك
وداقو عذابك وسفو ترابك
ووقت القضيه والكل سابك
كانو كيانك ...

متستعبطيش
مش طالب جنابك غير بس اعيش
انضف فى نيلك
واربى فى جيلك
وخيرك يجيلك
ساعتها بس
متنسنيش

متستعبطيش
عايز يا روحى تكافئينى بعداله
لما ادى بضمير
وانتجلك فى خير
تكافئينى بجد مش بس قواله ...
متسنعبطيش
مش طالب حبيبتى منك حاجه
طالب جنابك
مرتب يكفى
مش بلقه تلفى
بيها على الغلابه

كفايا معامله حبيبتى بسذاجه ....


متستعبطيش
عايز يا عمرى دوله قويه
ادافع بحق
اكسب قضيه

متستعبطيش
عايز اكتبلك وانا حاسس بنفسى
مش كل ما اضحك
بتسدى نفسى
يا عمرى امتى
للفقر تنسى
ومتستعبطيش
........................................