بقلمى يوسف ونيس مجلع ايطاليا بريشيا
احلى واجمل التهانى القلبيه الى كل الامه الاسلاميه وكل الاخوه المسلمين
فى كل بقاع الارض كلمه بالعاميه بعنوان رمضان شهر الكرم
استنيناك وهلالك لاح- وبكل بهاك جيتلنا
بايامك عز الافراح- وبلايليك سحر الهنا
بتعم الدنيا سماح- والنفس تعلى عن الانا
تخلى الصدر براح والوجدان قرب السما
بتملا القلب انشراح والروح خشوع لربنا
تتسابق اخلاق ملاح- فى ذكر الله يضمنا
------------------------------------
بتالف بين الاغراب وبتجمع الناس سوا
بتدى من غير حساب خيرك على الملا
تلاقى القلوب رحاب ببعض محبه وسنا
حاضر يسئال اللى غاب ويقوله وحشتنا
بتخلينا اهل واحباب ياريتك طول السنه
------------------------------------
الكل على حبك امين حب ورثناه فى قلبنا
عدات وقيم راسخين عايزين خير لبعضنا
حتى لو متخاصمين-- بالحب بنغلب نفسنا
لو قلت هانفطر فين تسمع الفين عندى انا
ويحلف عم حسين ويستسمحه عم ابومنى
ويقول عم حنين ياحبايب دا ندر عليه انا
-------------------------------------
حماده فى الوسط يقوم يقول اشمعنى انا
انا عايزدلوقتى اصوم عندى خمسه سنه
جده يقوله معلوم كمان زيهم تصوم زينا
وتصحى من النوم وتصلى حاضر جنبنا
------------------------------------
وامورتى الحلوه نرمين يادوب ست سنين
عارفه القبله منين وحافظه مواعيد الصلا
الهمه ياسطى سعيد اامرعلى العين ياعمنا
فصلها فساتين العيد جاهزين ياغالى عندنا
-------------------------------------
جبت الفرحه وجيت يابهجة شهور السنه
والزينه على كل حيط مش بس فى حيينا
والكعك والبسكويت منقوش تهانى و منى
يلف الحى بيت بيت ياحبايب دوقو كعكنا
يارمضان كرم وفيت يااكرم شهور السنه
بقلمى يوسف ونيس مجلع

أعجبني