أعزرينى يامدنيه
~~~~~~~~~~
أُعزرينى يابنت يامدنيه
أنا صَعِيدى بجفطان وجَلَابيه
لا هلبسلِك كرَفطه
ولا هكون مِن الشباب إلهيه
إوعيلى زِين وأسمعِى
لزمن تكونى لِى صبيه
أنا صَعِيدى ودمى حُر
والشَرف غَالِى عاليه
أحب من النسوان الأسامى المتنَجيه
لا فيوم أجول يانَانِى ولاسُوسُو
دى أسامى متلدش عاليه
أحِب أعِيش سِى السيد
تكونى آَمنه أشِيك فى عِنيه
مثل أُمى مكانت لأبويا
تِنَدِيله بعد العصريه
بإديها أبرِج وطِشت
وفيه المَيه المغليه
على سِدرهَا تحط جدمه
ودلكله بحِنيه
لا تنتظر شُكر ولا جميله
أو حتى كلمه طارِيه
دى صُوره من عِشتنا
تعشيها ياصبيه
موش بكلمت حُب
تخدى جَلبِى
ولا نظره من عنيه
بالأصول أديكى عمرى
وجَلبِى ودارى لكى هديه
لا تجُلِيلِى بابى ولا مامى
أكونلك بالدنيا ديه
لاتجولى بحبك ولا ألفيو
أو كلمات سينمائيه
أوعى تجولى أنا موش رُمنسى
أنا رُمنسيتى عمَليه
إستنى رايحه فين
لسه فى الكلام بَجيه

بقلم / جمال غربيه