قصيدة نور النبى
...................
نور النبى محمد
نور ليس ينفد
هو شمس لاتغرب
وضياء يتجدد

ربى صلى وسلم
على نبينا الاكرم
من صلى عليه ينعم
فى الجنة ويخلد

قلبى قلبى هيطلع
من صدرى أما بيسمع
أسمه وعينى بتدمع
روحى بحبه بتسعد

أسمه بل لسانى
شهده سرا فى كيانى
من زمزم وضّانى
وغسل عمرى وجدد

فى حياته ومماته
هو الطهر بذاته
المسك ونفحاته
والذكر اللى تردد

هو أعز علينا
من روحنا وأهالينا
هو أحب مالينا
اللهم فأشهد

من زاره أوزاره
تغفر له وأنواره
تظهر له ومشواره
بالأفراح يمهد
أنت أنت ياطه
الشمس وضحاها
والقمر اللى تلاها
والنور اللى تجسد

أنت أعلى وأطهر
ممن يهجو ويسخر
شانئك هو الأبتر
والخسر لمن يجحد

حب الله ورسوله
دالحب على أصوله
قلبى جنى محصوله
غنى بعشقه وغرد
نور النبى محمد
........................
اسراء ومعراج كريم
وصلاة وسلاما على حبيبنا
محمد صلى الله عليه وسلم
شعرحمدى الهادى
تليفزيون القنال