فهمنى ايه معنى الوطن ..
.................................
اياك تدادى ف ودها
اكمنها عشقانا عشق
مالوش ملامح تشبهك
ولا تلمسك
ولا قادره حتى تحسسك
انك بشر ..
وليك مقام بين الهمم
مانتش نبى ..
مبعوث رسول
اول ما تلمح ذل
ثور ..
واطلب مدد م الاوليا
يمكن تنول..
يمكن تلاقى مطلبك
بس الشهاده انها
كانت وطن..
وكنا لعنيها الفدا
والافئده
غنت غناوى المجروحين
عرض السنين ..
بقا مستباح
والكل طاح ..
شارك فى هتك عرضها
ما بقتش قادر اوصفك
ولا انصفك ..
مانتش حبيبه فى حضنها
ساكن انا .
.. دا انتى
فروضى ومذهبى
هتقول ايه معنى الوطن؟
قالو سكن .. وازى يكون !
وسكنى كله ع الرصيف
حتى الرغيف ..
شايف دلاله ع العباد
دا لكل لقمه فيه تمن
دمى التمن ..
والموت سكن ..
للى ماله فيكى تمن
جايز رخيص
وما يساويش اكل السكك
ولا بواقى الاوليه
مش هو دا معنى الوطن!!