( قبل ماتختار أُم ولادك )
بقلم : حازم سعيد ( أبو عبدالله )
قبل ماتختار أُم ولادك
شوف الأول طبع حماتك
لو نكديه ومش عشريه وست أذيه
هتيجي منين الطيبه لمراتك
واللي تقولك أنا غير ماما
وهبقى تملّي النور لحياتك
في أول مشكله تحصل بينكم
هتشوف فيها زرع حماتك
زرعه هتطرح طول العمر مراره وهم
وعيشه غم لحد مماتك
واللي أُمها بتود أبُوها وراضيه بحالها
هتحبها أُمك وهتبقى أُخت اخواتك
ولما تحصل حاجه مابينكم تخلص بينكم
ساعتها هتدعي كتير لحماتك
بنت الأصل طول العمر بتصون بيتها
وكل أملها تشوف الفرحه ماليه حياتك
بقلم : حازم سعيد ( أبو عبدالله )
