بحووووور الآه
زفرات / عبدالعظيم الأحول
الخميس ٦ / ٨ / ٢٠١٥م ٩مساء
فطمتينى على القسوة
وصارت روحى ما تسوى
ومرة ف حلقى كلماتك
أنا اللى وهبتلك عمرى
قتلت الحزن فى سكاتك
دبحتينى وقلتى روح
وصدك ليه ملانى جروح ؟
وانا اللى كنت لك بسمة
وفرحة تشتهيها الروح
خلاص رايحة لأحزانك ؟
ومش هتحنى لزمانك ؟
نسيتى حنانى وحنانك ؟
يا مر الآاااااااااااااه
وإنتى غايبة عن عينى
يا فرحة قلبى وسنينى
وألفين آاااااااااااااااه
وجعنى الشوق وعذبنى
وأملى الحلو بيسيبنى
وناسينى وانا ما انساه
وآااااااه . . . آااااااااااه
خلاص يا زمان
معدش أمان
معدش الفرح هيجينى
ويمسح دمعى من عينى
ويشفى الجرح فى روحى
أنا مشنوق على جروحى
أنا اللى الغربة صاحبتنى
ودمعة عينى غلبتنى
وغرقان فى بحور الآاااااااااه
وآااااااااااه . . . آاااااااااااااه
يارب يا أرحم الراحمين
أنا لغيرك هروح على فين ؟
مليش غيرك يا خالقنى
نصيرى وإنت بارئنى
تسوق الفرحة لحبيبى
وتبقى دوايا وطبيبى
وخليك جمبى ياحبيبى
يا غفار الذنوب يا كريم
يا رحمانى وإنت رحيم
يانور كونه
ونور فى سماه
يا الله . . . . . يا الله
* * * * * * * * *
مهداة إلى ابنتى وفلذة كبدى شهد
