رواية انا جثة الحلقة الثانية - اروي طاهر المسلاتي (بنوتة الشيخ )
قبل ساعات :-
شروق:منعرفش حاسه ان المستشفى اليوم فيها شي غريب !
ريناد:ماسكه مرايه وادير في الروج..شي زي شنو؟!
شروق:مفهمتش كلهم حايسين في بعض
ريناد:امس سمعت ان في زوز بنات تعاركتو في حجرة التمريض!..الله اعلم شن صاير بينهم
شروق:اهااا
ريناد:نوضي التدريب بيبدا وكلمى خوك دراه الكبد قوليله يتأخر اليوم
شروق:مسك البالطو والمذكره...وليش؟!
ريناد:ضحكت بنهيجو 😈😈😈
شروق:لاااا عاد ريناد المره يلي فاتت قلنا اخر مره خلاص عاد
ريناد:ترا سكرى فمك وانتى ديمه خايفه وترعشي
شروق:مش م.....
ريناد:هياااا وقت
شروق:صبرك يارب على هل البنت🤦🏻♀️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
أسمى ريناد عمرى في العشرينات من وانا صغيره حلمى نكون ارتست مشهوره😂لاني واصله لدرجة الاحتراف في المكياج وجميع انواع التسريحات ..بس لاني من عائله بناتها وولادها كلهم مهندسين وأطباء بابا رفض الشي هاذا وبي كل عنف🤷🏻♀️🤦🏻♀️
خشيت طب بشري ولاني من منطقه ريفيه ومفيش جامعات سافرت طرابلس انا وبنت عمي وهيا معاي في نفس التخصص...سافر معانا خوها ع اساس بيدير باله علينا وأجرنا شقه جنب المشفى العام لان حاليا ندربو معش مزال هلبا ع التخرج
كل عطله نرجعو اي مدينتنا ولما تكمل نرجعو لطرابلس من جديد هكي ماشيه امورنا..انا من عائله كبيره هلبا بابا دكتور عندي4خوات متزوجات وانا اصغر وحده وعندي5خوت شباب..مواصفاتي بيضه نفسي ع الاسود ملامحي لطيفه😅❤️
ومتوسطة الطول ..شخصيتي جريئه هلبا في كل شي
شروق بنفس عمر ريناد بينهم شهر بس وعلاقتهم ببعض اكتر من بنات عم ❤️❤️عندها 2خوت شباب وهيا بنت وحده شخصيتها عبيطه شويه متفهمش ع طول😂طيبه هلبا وعلى نياتها بس مرات تفصل ونصدم الدنيا كلها 😂🤷🏻♀️
___________________
اشرف:الوو
شروق:اهلا وخي
اشرف:متقوليليش كملتو انتي وهديك العقربه راني مش فاضي باش نروح ليك عندي خدمه
شروق:لال
عدد زيارات الموقع