نبضات احمد المصرى
حتى لو انت مش نصيبى
ح تفضل دايما حبيبى
ومهما تبعد عن عيونى
ح تبقى انت يس حبيبى
دا انا روحى فيك
وقلبى يا غالى شاريك
وكفايه عليه
عشت معاك ايام هنيه
هى احلى ما فات
واعيش معاك على الذكريات
كل همسه لسه عايشه
وكل كلمه باسمعها غنوه
حتى لما لقتنى جوه عينيك
ورعشه قلبى فى لمسه ايديك
ولهفه روحى وهى بتسلم عليك
وكل كيانى فى انتظارك
يهدى بين جنتك ونارك
وعمرى ما انسى قلبى
وفرحته باختيارى واختيارك
لما نسينا الدنيا بين ايديك
لونت الفرحه بلون حبك
وعشنا الحب بلون عنيك
وحضنا روحنا ساعات
وحضنا هو احلى الذكريات
ومن شوقنا نرجع اللى فات
وتبقى دايما حبيبى
حتى لو انت مش نصيبى
مستحيل قلبى يسكنه غيرك
ورورحى دايما وياك
المصدر: نبضات احمد المصرى
نشرت فى 28 يونيو 2014
بواسطة ahmed1kalifa
