__________ خلاص مش ح ستناكي _________
خلاص انا مش ح ستناكي
خلاص خلاص خد القرار
انا لفيت الدنيا كلها معاكي
وفي الأخر تنسيني بالأعذار
خلاص بلا رجعة ح نساكي
وعمري ما أكون إنتظار
خدي حالك خدي هواكي
خدي كمان الشهد والمرار
انا عشت عمري كله اهواكي
وكان أملي فيكي ليل ونهار
وقلبي كتير كلمك ونداكي
وإتحمل وداق الوان الصبار
وفي الأخر يبان اللي جواكي
لوعة قلبك الخاين الغدار
واللي قالك ما أحلاكي
حلال عليه يدوق منك النار
كان يسأل قبل ما يهواكي
وما يعش في وهم جبار
إنتي فاكره جمالك ملاكي
وليكي بس حق الإختيار
ده غرورك اللي خلاكي
تعيشي الوهم وأخرته دمار
روحي لحالك ح تلقي سماكي
غضبانه عليكي بالأمطار
خلاص انا مش ح ستناكي
ولا كمان ح كمل المشوار
وح شطب أسمك من أوراقي
و أي ذكره منك أو تذكار
ولو في يوم قلبي لقاكي
ح يقسي عليكي بدون إنذار
لأنه الوحيد اللي إشتراكي
وللأسف بعتيه بأرخص الأسعار
_________________________________
.............. الشاعر حسن الشوان ............
