(((دعوه للحياه)))

ليه ياعم سيد

متكتف وليه متقيد

فضفض قول وردد

وأرحم نفسك شويه

قوم وفك قيدك

قاوم طوفان ألآمك

بكره القلب اللى خانك

يتمنى يرجع عشانك

خليه يعرف مكانتك

وساعتها يشعر بقيمتك

والدم يجرى فى وريدك

أضحك ياعم سيد

قوم  أفرح  وعيد

وبلاش تكرمش وشك

ولاتطهق نفسك فى عيشتك

وأرضى بكل اللى جالك

أوعى حد يغشك

أويستغلك فى طيبتك

أفرد ياعم وشك 

عيش الأحلام وبان

حقيقه مش كلام

الوضع أصبح تمام

أبنى لنفسك قصور 

أبواب شبابيك ونور

وعيش وسط الزهور

وعدى يالا فوت

خضره أشارة المرور

أعلى  ببرجك لفوق 

 وعيش وسط الطيور

بجناح هفهف وطير

على موج قماش العلم

ردد تحيا الحياه 

وغنى بحب السلام

كلمات/محمودصلاح السيد

2/2/2018