http://kenanaonline.com/users/ah-shabrawy/posts/951905أنا الإنسان  ..

ب عمر تجاوز   ال   1000 عام ..

طريق طويل و بين ضلوعي زحام ..

سألت مرة  الزمان  ..

ليه خلتني عايش معاك ألف عام ..؟؟

رد عليا و قاللي   ..

إخرس بلاش أزعل وياك إنت كده تمام ..

عايش و إديتك خبرة و لا ف الأحلام .

.

عرفتك و فهمتك إن قلبك ك الحمام ..

ده ب جد و حقيقي مش أي كلام ..

قلمك يقولك و كلامك يصارحك ب اللسان ..

إنت صاحبي و أنا الزمان  علمتك و إديتك الأمان ..

جاي تسألني  يا إنسان  ..

ليه صاحبتني  ألف عام ..؟؟؟

عيش حياتك لحد ما يجي الآوان ..

و نقفل و نشطب  الدكان  ..

ماهيا الحياة يا إبني دكان ..

كل واحد وقته ينتهي يقفل الدكان ..

و يذهب و يروح و يغادر  المكان ..

إوعى أسمعها منك تاني ..

عيشها ب تفاصيلها يا فاني ..

بس إياك تكون فيها أناني  ..

ده عمرك هيخلص ف ثواني ..

يا للا أنا  ماشي بعد إذنك سلام ..

رفعت إيدي ل تحية الزمان ..

تحية التلميذ ل الاستاذ ..

و جلست مع دهشتي ..

 إنتظرت تجيلي قهوتي ..

و تألمت حالي ب نظرتي ..

ب صمت و ضحكت ضحكتي ..

و سيبت المكان و مشيت ب دمعتي ..

ل مشوار الحياة ب كامل بهجتي ..

جوايا أحمال شايلها ب كل قوتي ..

إنتظر اليوم النهائي  يوم مغدرتي ..

و أبقى ذكرى ل بكرة ..

ناس تفتكرني ب فكرة ..

 ناس تنساني و أبقى نكرة ..

هذيان قلم : 

: محفوظ البراموني :