قولوا يا رب..شعر/على محمد شحاته
بعد الضلمه بيجى النور
وآخر الليل بيطل الفجر
وبعد الحزن يهل سرور
وحلم اتحقق بعد الصبر
بلدى بتصعد كاس العالم
أغلى تحيه عظيمه يا مصر
قول من قلبك صحى النايم
تعيشى يا بلدى ونيلك مهر
*********************
أحلى تحيه لأغلى رجال
رفعوا شعار كلنا أبطال
خلوا الفرح يزيل أحزانا
ويرجعنا لأحسن حال
أحلى تحيه لأغلى صلاح
وش الخير جاب الافراح
ويا الحضرى السد العالى
وكل شبابنا بكل كفاح
*****************
بالتوفيق فى الجاى بروسيا
فرحوا شعبنا بيكو على طول
حققوا لينا نتائج غاليه
تخلى الفرح معانا يطول
بكل الهمه تعدوا الصعب
وتهدوا الفرحه لكل الشعب
بكل عزيمه وحب هتعلوا
وكل دقيقه قولوا يا رب
