يا عم يا مسئول

إدينى أوام حقى

من غير معيد القول

وجيب نسيب خالتى

تليفونى قديم مفصول

ومداوم على فاتورتى

وكمان وصل النور

سابقنى فى قريتى

والميه عاشقة ماتور

وفراقهم يزيد عطشى

مؤهل ما شاف النور

خريج وفى بطاقتى

لم يصبه الدور

لحد ما شاب شعرى

وأشعة على المكسور

برسوم تزيد فقرى

ورسوم وراها رسوم

والنحر فى دعامتى

من كتر أكل الفول

نقرص نهش عضمى

حتى كروت محمول

زايده ولا تكفى

الشكوى لما نقول

صاحبى الفقير شكلى

ولاده هما الجوز

عايزين دروس شفوى

وعاملهم أراجوز

مايشيل دموع فهمى

تفاح معاه الموز

شافهم فى إيد قدرى

أنا عايزك تكون مسرور

وتحل لى مشاكلى

طمعان فى دنيا تدور

واعشها متهنى

أشوف حمام دكتور

ومريم طبيب نفسى

...............وائل سعيد...