يا رب..شعر/على محمد شحاته
يا رب بأدعى بشوق..وبصوت كسير مخنوق
ان زماننا يروق..ونعيش فى فرح كبير
ننسى الأسى والويل ..والنور يشق الليل
ونداوى قلب عليل..ونضم طفل صغير
والوحده بينا تدوم..لو حد كان مظلوم
ما نسيبه كده محروم..ونكونله عون ونصير
للحق نبقى حليف..ونشيل بواقى الخوف
ميكنش بينا ضعيف..والكل منا يغير
قرآنا أقوى سلاح..هنخوضبه آى كفاح
ونداوى كل جراح..ونعيش فى أحلى مصير
خلوه فى كل قلوب..بحروف دهب مكتوب
هيفك أى كروب..هيصحى كل ضمير
