يا إبن آدم الله يكون في عون الملك
اللي بيسجل ذنوبك ليل نهار نازل كتابة
وانت بتمليه عيوبك يا إبن آدم شوف ذنوبك
فوق كتافك زي الجبل وانت عايش دور عبيط
وسايق الهبل وإن حد نصحك ده حرام
بتقول حلال مين اللي ده حرام لاء حلال
إنت عارف زي مين زي اللي بطنها فيها تؤام
ولو تتسَأَل تقول مش حَبل ليه بتنكر
ليه بتنكر وإنت عارف إنه مُنكر
ليه بتهرب من الحقيقة وتاكُل في مُر
وتقول ده سُكر يا إبن آدم إرجع وتوب
وإنسي الذنوب ربك بيغفر
متقولش بُكره لسه عُمري فيه كتير
ده مهما طال عُمرك بيقصر
وكُل يوم عليك يمُر ذنوبك بتكتر
وإنت بشر يعني مش معصوم م الخطأ
ولو للحجر ربك أذن ليك كان نطق
وقال العُمر ليك ثانية ما بين رمشه
وما بين تانيه واللي ما شفش قدامه
فراق الناس ده مش حساس
وأعمي القلب وأعمي النظر يا إبن آدم
إن موتك ما كان يكفيك ف إيه تاني
يكونلك عظه يا إبن آدم إرجع وتوب
وإنسي الذنوب ربك بيغفر
(((..مصطفي دسوقي..)))