أحد الشعراء وقف ليشتري فول نابت ففوجئ بالبائع يلف له ماابتاعه من الفول

بورقةٍ تحوي قصيدةً من ديوانٍ شِعري له

وباقي الديوان مرمي إلى جانب حلّة الفول

فكتبتُ باللهجة المصريّةِ مايلي: 

()بالشِّعرِ لَفّو الفولْ()

بالشِّعرِ لَفّو الفولْ

وگايلو مُناهْ ماينولْ

نابِتْ لذيذْ يافولْ

وخلّي الدِّماغْ مأفولْ

شاعرْ!.. مالوشْ لازمِهْ

 مَعوشْ تَمَنْ جَزْمِهْ

عايشْ حياهْ أزمَهْ

وَلا لاگي ليها حلولْ

عامِللي كامْ كِلمِهْ…

و بيْهُمْ هَيشبَعْ فولْ

مَهو بَرضو مِشْ مَعگولْ

فيهْ ناسْ  تِبؤ الدَّمْ ..

بعيشةْ نَكَدْ وِاتْسِمْ

والعيشْ يَدوبْ.. اتطولْ

بگى هو للأشعارْ..                               

هَيرفَعْ الأسعارْ

ويعملّي فيها كُبارْ

وياكُلْ فطيرْ على طولْ

مهو بَرضو مِشْ معگولْ

ولا تگبلوشْ لِعگولْ

ويضيّع المحصولْ..

واهو برضو مِشْ لإصولْ

نابتْ وبالدّيوانْ..                                  

تاكلو تروحْ فهمانْ

وتحبكْ النّسوانْ

جسمكْ يصير مليانْ

يحرتْ كما الفدّانْ

واسمكْ يصيرْ عشقانْ

وتغني ليلْ يازمانْ

نابتْ لذيذْ يافولْ

يا شِعرِ ياطيّبْ                                     

ضايعْ  و مِتغيّبْ

ورگك بگى گرَيّبْ                               

وحالك بگى ايشَيّبْ

ياشِعرِ يامزلولْ..                                 

واهي حالَه تتعَيّبْ؟!

ماهي حاگه تتعيّبْ؟!!!                          

واللهِ بتعيّبْ…… .

گنتْ الغِذا لعقولْ                             

 واليوم بَگيتْ مأكولْ

وبيلفّو فيك الفولْ

ياشِعرْ ..يا.. مزلولْ

 فيصل أحمدالحمود

         19/9/2017