يسعد مساكم يا حبايبنا
كثر الدلع عن جد ذوبنا
يا ساكنين القلب جوا الروح
لا تهجرونا الهجر بتعبنا
وبيزود الاّهات مع لجروح
والسهد والنهدات تغلبنا
طول الجفا ي حباب مش مسموح
بشرع الهوى قاسي بعذبنا
الروح تشكي والفكر مذبوح
حنظل بعدكم كاسنا شربنا
جرح القلب عم ينزف ومفتوح
هذا الوضع ما عاد يعجبنا
باسرارنا لا تجبرونا نبوح
وتشمتو بينا قرايبنا
عطر الوفا خليه دوم يفوح
ولحن الوصل خلوه يطربنا
يسعد مساكم يا حبايبنا
=== محمود شبيب ===
