سلامي ليك يا حبيبي يا العزيز الغالي
انت عمري وروحي يا الزين ديالي
حتى شي من غيرك ما يشغل بالي
تبدل طبعي وبكلامك تغير حالي
قلب واحد اللي نملك ما بقاش ديالي
اعطيته ليك وخليتك عن امري والي
ما عرفت اش وقع فيا واش جرالي
حبي و شوقي ليك خلاني نسهر ليالي
انا نبغيك......وبروحي نفديك
انا ملكك .............وكلي ليك
هديتك قلبي وفكري وكل اشعاري
بحت لك بخبايا القلب وكل اسراري
بعدك يا حبيبتي زاد شعل ناري
كنت رباب منسي ولا من يجيب اخباري
اليوم جيت انت واصلحت اوتاري
رجعات النغمة لكن تبعترت افكاري
ما بقيت قادر نقاوم ولا نداري
اصبحت مملوك طايع وليك نجاري
انت خطار.....وحبك قاهر
وانا محتار .....وباقي ساهر
نكتب اشعار......وانا حاير
جسمي في الارض وفكري طاير
تمنيت نسمع كلامك
تسنيت نترمى في احضانك
نشوف عيونك وجفانك
ندوق حلاوة لسانك
.......
..
سمحي لي يلا قلال ادبي
راه حبك راحتي وعدابي
نساني اهلي واحبابي
ووقت اكلي وشرابي
ضمني لعندك يا حبيبي
ضمني واسمع لقلبي
هو يحكي ليك عن حبي
وياما في القلب ما مخبي
... علوي اسماعيلي يزيد...
