اذا كان اللي منك
تملي واقف ضدك
يبقى متلومشي علي حد
عيش واسعد نفسك
وبلاش العشم ياخدك
ومتعيشي تاني لأي حد
المعاملة خد وهات
وعشم خلاص مات
الكل بقي عايش لنفسه
ومش هامه الا نفسه
وناسي حتي ال من دمه
والقرش بقا كل هامه
ال ناسي أبوه وامه
وال الخيانة ماشية ف دمه
وال ماشي بمبدا قفشني
وانت وقت الزنقة تشوفني
وال يقولك ياعم في حالي سيبني
انسي انك يوم كنت تعرفني
وال يقولك انا إيه ذنبي
اشيل همك ما كفاية همي
دنيا كلها بلاوي
كله بقي ليه في الحكاوي
كله بقي عامل
طبيب مداوي
كله. بقي مطبلاتي
كله علي الشر ناوي
راحت فين ايام الرحمة
بقينا عايشين ف زحمة
اتشالت من قلوبنا الرحمة
بقينا كل يوم في محنة
متزعلشي ياصحبي
كلنا علي دال الحال
اكتم جواك وخبي
التغيير اصبح محال
لما قريبك يجرحك
ولما ال منك يوجعك
قوله الله يسامحك
كلماتي
محمد ابوالعيون
