((( أكسير السعاده )))
بطل تدوس على الجرح
وأتعود تعيش الفرح
جرب تسامح وتصالح
وتقول أحنا ولاد النهارده
وأمبارح فات وعدى
وتدوس على كل شده
وتقوى وتكبر وتعلا حبه حبه
وتعاملك يكون أساسه الموده
أنسى أمبارح اللى كان
من غير ملامح
وبلاش فى العند تقاوح
ولا أنت بس فى الشر فالح
ياناس أنا مشتاق
لكل ضحكه شارده
وكل كلمه معاها وارده
خلى الخير يجرى بين أيديك
ويوصل كل الناس حواليك
سارع وأتسابق
أكيد الوقت معاك فارق
ومهم جدا قبل لحظة الرحيل
وساعتها يكون البعد خطير
والعشق ينتهى ويطير
ماهو البعيد عن العين
بعيد عن القلب وندور على البديل
خليك دايما للفرح سارق
وأوعى فى يوم تضايق
فرح قلوب الناس
خلى السنين تتعاش
الناس اللى شافوا كتير
فى حياتهم حرمان وآنين
هيسألوا هو مين
متعهد وراعى الخير
أبو قلب أبيض وجميل
بنحبه بالملاين
صورته فى القلب
ونشيله فى حباب العين
وتكون بالنسبه لهم
أحسن من بطل خارق
بس أنت قرب وأياك تفارق
كلمات /محمودصلاح السيد1