ساعات بحس ان الالم على الجرح ذاد

وان الوقت علاج للهم رغم البعاد

وان الحكايه مش اشواق وحنين 

الحكايه بكرة حنكون مع مين

يعنى يومك بيومك وبلاش اوهام

اصلى الى سابك وباع ملهوش امان

وذكرياتك معاه ادفنها او خليها فى المنام

الواقع ليه ضرورة حتعشها رغم الى كان

والمشكله لما تشوفوا بتنسى الى كان

وتحن رغم ان الجرح لسه واجع ورغم الالام

سعتها الجسم بيتقل والنبض يجرى ويروح الكلام

هو فعلا انا عايز ارجع اعيش فى الاوهام

ولا القلب استساغ المر وطالب يسقيه كمان

ولا المرض استشرى فى البنان

الحق اهرب قبل فوات الاوان

لو بايدى امسح الى كان

ما انا مش انا رغم التظاهر انى تمام

بجد نفسى ارجع لذاتى نفسى ارجع زى زمان

البسمه طلعه صافيه وليها لمعان

لكن ما باليد حيله الجرح ما ساب مكان

الا وعلم عليه وقله كله خان

كله جفا كله باع كله بان

وحتفضل الحقيقه انى عايش فى الظلام

شايف نور خافت لكن خايف اوصله القيه سراب

والقى ورد ليا فيه شوكه ومحروم من الريحان

انا ما عاد لى حب تانى خلاص انتهى الكلام

#ابواويس(محمد عبدالرحيم)