مزار (باللهجة اللبنانيّة)
هونيك عاطرف الحدود عنّا جرود
من وقت خلِق الكون من عندها الفجر.
واليوم شمس الشهادة زيّنت الحدود
والليل استحى و شعشع ضوّ البدر.
...
مواكب شهدا الجيش عمتبدفق
بين الضيع تروي الوفا مثل النهر.
هنّي الشرف والتضحية لها الوطن
و أعداءهم أحزاب مصنوعة من تمر.
...
عا تلال الجرود صار بدنا مزار
تتعلّم الأجيال شو معنى الصبر.
و تشوف عالحيطان أسماء الجنود
وأهلهم الكانوا ناطرين منهم خبر.
...
هونيك منصلّي على الشهدا
و منقرى بطولاتهم خبر و عِبَر.
هونيك منرفع بسّ علم لبنان
و نفهم دستور الوطن سطر و سطر ...
عدنان خليفة 2017
