ححكى حكايه شوق وحنين
حكايه بنحكيها من سنين
حكايه عنتر وعبله المحبين
لكنها مش لعنتر وعبله الحقيقين
او ممكن تقول استنساخ حنين
وقصه بتتكرر عبر الزمان
ومع اختلاف المكان
بطلنا كان ملهوف
وعلى الحبيب موصوف
دواءه نظرة وابتسامه
وضحكه وهز كتوف
وهى كانت بتحبه وقلبها بيه شغوف
صوته يهز القلب الحيران
يفضل يدق وكانه دفوف
وصوت مشيته انغام
بترن فى الودان
ما هو حبه غطى الوجدان
كانوا متفقين على الوائم
ويعيشوا مع بعض زوجان
تحلف بيهم الاوطان
والشعراء يتغنوا بحبهم ازمان
لكن كلها كانت احلام
والواقع فرقهم كما عادته بالاحباب
وتزوجت المحبوبه من ابن الجيران
ومرت الازمان وجرت الايام
ولقيا الاحباب كان بلا استاذان
لكنه كان بارد ومثقل بالاحزان
وكانهم ميعرفوش بعض وعنيهم بتقول كلام
لكن خلاص راح الميعاد
والقطر عدى وفات
#ابواويس
