صباحكم كما تتمنون
===
دوما بشوفك بالحلم بحكي
يا ريت حلمي يقربك مني
نبقى سوا يا غاليه شركه
بدنيا الهوى والنار والجنه
وانتي ع كتفي تسندي وتركي
وتا اغمرك يا روح متمني
وتغرقيني بعطرك المسكي
وتفرحي هالروح وتهني
وما بين رمش العين والضحكه
ضايع انا حيران مستني
وشو طويله بحسها السكه
حني عليي يا بنت حني
قبي جذور وساوسي وشكي
هني فؤادي بالوصل هني
لا تعيشيني بهم وبلبكه
خلي الحقيقه حلمنا تحني
مجنون بيكي يا بنت جني
لجنون بدنيا العشق بركه
وبيي ظنون السوء لا تظني
=== محمود شبيب ===
